上次講咗咁多種脫毛方法，心癢癢即刻想幫自己脫一脫呀。不過一舉起手啲黑色點點搞到我有啲驚，驚剃完啲毛髮毛孔會打孖上變粗晒……

 

其實一切只係幻覺！剃毛係唔會令毛髮毛孔變粗㗎。事實上愈接近根部嘅毛髮，就愈粗大，所以一剃完大家肉眼見到嘅橫切面先會造成「變粗咗」嘅錯覺。毛髮粗幼，反而係視乎毛囊本身嘅大小而有分別，所以大家唔好再誤會剃毛呢回事啦～

不過想剃毛過程順順利利、皮膚依然咁滑溜都要花啲心機，同保養皮膚一樣，絕對唔可以懶㗎～～～今晚就教吓大家點樣剃得安心又開心！

 

# 剃毛事前小貼士

想保護好肌膚，脫毛前一個禮拜就要開始做好準備，避免用含酸性嘅保養品喺相關部位。酸性保養品去角質一流，但同時會令皮膚脆弱變薄，好容易刺激到皮膚甚至出現過敏情況。所以脫毛之前最好停用，對皮膚保護性就高啲啦😆

如果要用到剃刀或者剪刀之類嘅脫毛工具，最好檢查有冇生銹嘅情況，萬一不慎刮傷，生銹會惡化傷口令細菌感染嘅機會更高。

 

小編推介大家試吓 #SwanUltimate女士專用剃刀，不但無痛兼不留刀痕，一套入面包埋修剪器同清潔刷，仲有收納袋送埋。帶去staycation一次過袋晒全部唔怕狼狽，夠方便。

 

唔想咁易刮傷，可以配合返啱自己嘅脫毛膏或者慕絲。皮膚容易敏感嘅話，試吓用 #Relove零毛髮護理套裝吖。#Ku溜零毛髮霜 加入咗北美金縷梅萃取精華，有效鎮定舒緩皮膚，敏感煩惱立即冇晒。脫完用埋 #私密鎮定舒緩凝露，喺脫毛後黃金48小時內做好保濕，唔怕紅腫又收到毛孔，一舉兩得🎉

 

 

最後喺沖涼時等暖水軟化毛孔毛髮先再進行脫毛工序，脫毛就更加輕鬆方便啦～

 

剃毛事後小貼士

剃完毛之後，想進一步保護咁脆弱嘅肌膚，最好做返適當嘅保濕同鎮定皮膚嘅保養。市面上有好多針對脫毛後紅腫皮膚嘅產品，都做到修復破損皮膚、防止毛囊發炎等等功效。

 

除咗上面介紹過嘅Relove Gel狀凝露之外，都有其他質地嘅保養品，總有一款適合你。好似 #Pjur女士剃後保養噴霧咁，不含酒精及香料就用得夠放心，仲要有抗炎嘅維他命B5，剃後同痕癢say byebye🤚🏻

 

 

嫌剃毛皮膚太乾燥，就可以試 #irohaVIO修護乳液，包含美容保濕成份嘅蛋白膠原同透明質酸，仲有助軟化皮膚同新生毛髮，係一枝專為敏感地帶而設嘅保濕乳液呀。

 

小編都要提提大家，用任何產品前最好喺身體其他部位做咗皮膚測試先，保障自己最緊要呀😛