「LGBTQ+」對於同性戀者﹑雙性戀者﹑跨性別者或多或少都會聽過，每一個英文字母都代表住佢哋嘅性別及身份認同。其中一種一直存在社會上，冇受太大爭議、冇太多人理解，一直存在嘅性小眾—「無性戀者」。如何得知自己是否無性戀?

 

咩係「無性戀者」?🧘‍♂️

無性戀者（Asexual），係指認為他人缺乏「性吸引力」，或係缺乏或有著低度性慾嘅狀態。無性戀者可能對與性相關嘅活動、關係或者性行為缺乏興趣或者渴望，通常唔會主動追求或參與性關係。

 

無性戀者無辦法去「愛」人?❤️‍🩹🤔

無性戀者性取向被替換成浪漫傾向，不論異性﹑同性都可以係無性戀者。

部份無性戀者係可以同其他人發展情侶關係，雖然冇對他人產生性吸引力或性慾望，但仍然可以體驗和追求浪漫情感。無性戀者嘅戀愛關係更側重於情感連結、精神共鳴和非性嘅親密互動。可能會尋找同伴侶之間嘅深度連結、情感支持和共同嘅價值觀，而不是性吸引或性行為上嘅互動。

部份無性戀者可以被他人吸引及產生愛意，但沒有性行為嘅想法，雖然會有欣賞其他人美麗嘅想法但同性無相關連結。

 

無性戀有性慾嗎?❤️‍🔥

在生理上，無性戀者在性方面是正常的。有人會自慰，有人唔會。有人因為有性慾而自慰、有人係為發洩壓力、而有人只係因為舒服。

無性戀同有性戀者自慰有一個差別。無性戀者自慰嗰陣，唔會對其他人有性幻想。就算有，都係完全虛幻，如果真係機會，都唔想同人有性行為。少部分嘅無性戀者甚至連性慾都唔會有，徹底嘅有愛無性。

 

點知自己係咪無性戀者?🧐

無性戀者並非一個好硬性嘅身份認同，世界上更沒有所謂「純正」嘅無性戀者，所有無性戀著的共同點就是「不感受到他人性吸引」。

無性戀者更分佈喺不同性向當中，不論你係同性戀、異性戀、雙性戀都有機會係無性戀者。

無性戀不等於禁慾，禁慾係出於環境、職業、信仰等等因素而剋制性行為，但其實本質係有性慾，亦會想同人發生性關係。無性戀並非一種選擇，而係一種性傾向。

 

一般對無性戀誤解:

Q: 無性戀是否代表沒法愛人?

A: 無性戀不代表沒法享受及感受愛情，有部分無性戀者亦會愛上他人，只是沒有對他人產生性吸引力或性慾望，或者只有特定情況下會感到性吸引。大多已婚的無性戀者與伴侶亦擁有良好的關係。所以無性戀是否代表沒法愛人的說法上並不準確，較為統一說法普遍是「無性戀者難以或無法感受到他人的性吸引力」