如果冇咁多預算做激光脫毛，蜜蠟脫毛又怕痛，脫毛膏又怕皮膚敏感，但好介意自己係一個小毛孩，咁可以點算好？其實自己修毛剃毛都可以做到架～

私處修毛教學:

Step 1: 沖涼！
一日過去毛毛唔多唔少沾到污糟嘢，呢個時候直接處理佢地其實好唔衛生，一但皮膚被刮傷會有細菌感染。沖涼嘅時候，用暖水浸私處10-15分鐘，軟化皮膚同毛髮，都可以幫助減少對皮膚嘅刺激。

Step 2: 消毒工具！
修剪毛毛要有專屬嘅工具，可以用一把細較剪加一把剃刀，工具一定要消毒，要檢查有冇生鏽，同埋記得唔好同人共用呀！Swan Ultimate Personal Shaver 女士專用剃刀特別之處係無痛，唔會留下划痕、刀痕及毛囊，適合私處剃毛使用～

Step 3: 準備姿勢！
準備開始剃毛，可以係鋪一張大張嘅紙，M字腳坐喺地下，再拎一塊大鏡放喺妹妹前面；都可以坐喺馬桶上面，或者棟高一隻腳喺馬桶上面。首先喺私處搽啲lotion/gel，保護佢唔會因為摩擦造成傷口。

Step 4: 修剪毛毛！
如果毛毛比較長，剃之前可以先修剪少少，因為如果剃毛嘅時候毛太長容易卡喺剃刀上面，難以清理。用較剪剪毛係最簡單亦最唔會刺激到私處皮膚，梳起毛髮再慢慢修剪，剪毛嘅時候千祈要小心唔好剪到自己呀！

Step 5: 剃出形狀！
到最重要嘅剃毛部分，其實私處毛毛分為三角位、I位、O位，有啲女仔會選擇全部剃光(即係俗稱嘅白虎)，都有唔少人會選擇留剩三角位嘅毛毛，再剃成唔同形狀。可以用Ladyshape 嘅私處剃刮模板。輕鬆快速地剃出完美嘅心形、三角形同巴西式嘅形狀，著內褲或者bikini嘅時候唔會有毛露出嚟，同時又可以保持性感。
順著毛髮生長方向剃完後，再逆毛剃減少黑頭嘅出現，見到大致OK就可以將妹妹嘅「皺摺」都翻開檢查，確保殘毛都剃乾淨，咁就完成架喇～

Step 6: 事後保養！
除完毛後可以搽啲lotion保持滋潤，可減低皮膚因乾燥形成細小裂紋，減少脫毛後痕癢不適嘅問題，同時滋潤私密處肌膚，Iroha剃後修護乳液/Pjur噴霧都係唔錯嘅選擇～

不過剃毛都有一定風險，如果冇好好打理，難免會有毛髮倒生、易有毛渣同少少吉吉哋嘅不適感，如果想方便自己，或者想俾伴侶一個驚喜，記得要準備好同plan好先開始剃呀！

 

延伸閱讀: 打破剃毛愈剃愈粗的迷思