【夏天為大地帶來美腿…..拒絕腳粗四招式！】

 

雖然而家只係三月嘅初春，距離夏天仲有一段時間，不過長年累月work from home加上前排聖誕新年嘅加速化，我嘅體重跟住一齊升呀升呀……由著細碼變成中碼了😭😭

成日坐喺到最難搞就係下半身漲得好快，對腳冇乜機會行路，望落仲粗過以前🥲見到衣櫃入面啲短裙短褲仔，嚟緊要著得返佢哋，都唔可以再坐以待斃🤬

所以我開始咗一連串行動踢走腳粗，希望夏天前美腿可以開心返埋嚟🫂🫂🫂

 

1. 飲食大法 

 

要成功改善身形上嘅問題，從飲食方面入手都係無可避免嘅一步。小編因為多咗喺屋企煮飯，發現有幾種蔬菜針對下半身身形特別有用：

【木瓜】

木瓜用嚟豐胸美顏就聽得多，原來佢含有嘅蛋白分解酵素、番瓜素係幫助到身體分解脂肪😱有助消化仲可以通便，下半身嘅脂肪都有方法一併踢走埋，一舉兩得。

【紅豆】

好多人話紅豆對女性好好，因為除咗補血美顏之外，去水腫排毒都係一流的👍🏻所以呢段時間小編都買咗紅豆返屋企煲紅豆水飲，幫到我排走身體多餘嘅鹽份同脂肪等等，就算晚餐食得豐富咗都唔駛驚😾

【西芹】

有甲狀腺問題嘅朋友同我分享過佢哋會食西芹補充返啲鉀質，原來因為可以防止下半身水腫。本身小編極怕食西芹，但為咗瘦，食食下已經接受咗陣味了🙂

【菠菜】

菠菜營養價值一向都高，有豐富嘅膳食纖維幫到身體排毒，菜價上升都要買返嚟食🙏🏻

 

2. 運動大法 

由於多咗時間留喺屋企，可以做嘅運動都十分有限，畢竟住喺豆腐膶咁大嘅單位好難有咩發圍。所以今日想介紹一啲喺屋企都做到嘅簡單運動，每日瞓覺前花十令分鐘做下呢四款動作，一個月後對腳就會出現神奇嘅改變🤙🏻🤙🏻

側身抬腿同平躺抬腿都可以收緊到大腿肌肉，令條線望落更firm，每組做20下，左右腳各一組就夠。

之後可以繼續瞓喺到順勢做埋空中踏單車，雙腿凌空做踩單車動作，每組50下，做完一組抖十秒再做第二組，瞓喺到都瘦到身就係咁簡單。

最後企喺到做埋深蹲，訓練大腿肌肉同patpat都結實一啲，每組12下，total做四組，大功告成。

 

3. 浸腳大法 

做完運動除咗可以拉返鬆啲筋之外，浸腳都係一個唔錯嘅選擇。搵個盆，用熱水浸泡至小腿位置大約十分鐘左右，除咗舒緩到疲勞，仲可以加速血液循環。咁樣啲毒素就唔會積哂喺下半身，下半身負擔立即減輕🌛🌛

 

4. 按摩大法 

想令瘦腿更加事半功倍，按摩就唔少得。瞓覺之前可以由腳踝開始向上發展咁用按捏方法輕壓肌肉，想有效啲不妨配合埋按摩油/瘦腿油，好似 #Amearome瘦腿油 咁，有黑胡椒、薑精同迷迭香等成份，對緊實肌膚非常有效，包愈按愈瘦呀👏🏻👏🏻👏🏻