除咗衛生巾同棉條之外，近年嚟仲有好多唔同類型嘅月事用品，例如係月經杯、月亮褲等等。今次呢個blog post 最主要會講月經杯😛 (但由於月經杯會有太多資訊～所以今次講啲基本嘢先）

如何選擇月經杯？
市面上嘅月經杯分類有好多種：

1. 根據宮頸位置
因為月經杯有唔同長度，如果用一個高宮頸嘅杯但係用於一個低宮頸嘅人士到，就有機會感覺不適，甚或是覺得頂住.如果用一個低攻頸嘅杯，相對短身啲，用於一個高供警嘅人士，你就有機會好難搵返你個杯（但放心，子宮唔係無窮無盡嘅黑洞，你最終都應該能夠拎返佢出嚟）
所以你首先需要量度自己嘅宮頸位置，而宮頸位置會隨着你嘅周期所改變，所以建議喺月經期間量度自己嘅宮頸位置，而子宮頸嘅質感就有啲似鼻頭嗰舊肉～知道自己係咩子宮頸位置就可以選購適合自己嘅產品～

2. 根據年齡/骨盆底肌肉
部份月經杯，例如 Intimina Lily Cup，會推出兩個size嘅月經杯，例如年紀較大或者由陰道生育嘅人士可以選擇size B，未曾經陰道生育過或者較年輕嘅就可以選擇Size A。

3. 根據流量
台灣出嘅月釀杯最主要係睇流量，所以佢會有分唔同大細容量嘅杯型。

 

4.如何放入體內
文中示範左幾種唔同嘅折法，當然網上面仲有唔同嘅折法介紹，建議可以練習邊一款比較適合自己先😉
放入體內後可以檢查吓有冇開到真空狀態——拉一拉個底應該有道力同你對抗住，同埋伸手指摸杯邊緣會feel到打開哂。月經杯唔係棉條，唔需要隊到最入，確保個底部唔好凸出嚟就可以！進入時記得要有足夠潤滑，想更潤滑可以考慮使用潤滑劑。

5. 如何取出月經杯？
首先清潔咗雙手先。建議伸手入去按杯嘅底部解除真空，再用食指同拇指夾個杯出嚟，除非真係好滿，否則應該都唔會倒瀉😗
另外亦可以透過底部嘅環形或者莖狀位置輔助你拎個杯出嚟～
如果真係覺得有困難拎到佢出嚟，你可以試吓痞低好似做Squats，然後用去大嘅力，應該可以推一推到個杯去落啲嘅位置，較易取出～ 放心，陰道唔係無底深淵，放鬆啲會比較易拎～

 

用月經杯有個學習嘅時間嘅，會有一定learning curve！一開始會漏會驚都係正常嘅，但用上手就好方便同舒服😂 有興趣購買可以睇睇以下產品。

立即選購:

👉月經杯 
👉月事用品