你無睇錯，今日我哋要討論西西，係西西呀！

唔係講緊香港作家，都唔係講緊打牌要鬆隻西過你：事關陰道變鬆呢壇嘢，對女人嚟講真係好大鑊㗎。

有人話性生活會影響陰道嘅緊緻程度，例如係伴侶Size太大，又或者做愛做得太頻繁，搞到撐闊咗個宇宙大黑洞，直頭裝得落幾架UFO咁話。你話作為女仔聽完驚唔驚？就梗係驚啦！自己冇得享受最窄最緊貼嘅魚水之歡都算，如果連對方因為自己太鬆乜都feel唔到咪好大穫…….

 

 

 

經過一輪查證之後，真係鬆一口氣—

 

其實呢一切只係都市傳說，實際上云云講法真係誇大咗好多。

 

其實陰道本來富有彈性，一般性生活其實唔會影響其鬆緊度。即使做得幾密幾多都好，性行為過後就會撐開咗嘅陰道內壁都識得自我還原返。所以大家定啲嚟，千祈唔好因為呢個謬誤而失去咗對做愛嘅性趣呀～～～

 

咁到底陰道點解會偷偷鬆了？原來同年齡、生育經驗都息息相關。

 

1）年齡增長

女性嘅年齡增長會令膠原蛋白流失，尤其係過咗廿五歲之後，所以小編同身邊嘅朋友開口埋口都係討論緊咩骨膠原產品好，護膚品定食用藥丸都唔放過，希望有還原靚靚拳比返啲骨膠原我～呢樣嘢唔單止會影響到女性嘅外觀，皮膚望落失去彈性同水份之外，最確切對陰道嘅影響就係陰道黏膜嘅變化：陰道黏膜會因為荷爾蒙下降及膠原蛋白流失而變得乾澀薄弱，而且都因而失去彈性。最明顯嘅階段大概係更年期及停期之後，對女性嘅性生活或多或少都有影響。陰道鬆弛除咗影響性體驗之外，更嚴重可能會影響埋日常生活，例如出現漏尿情況等等。

 

2）生育過後

 

 

而生過BB嘅女性係咪會鬆啲？其實機會點都比一般未育過嘅女性高。因為胎兒經過產道出生時會擠壓到陰道，而嬰兒嘅大小、生產過程嘅時間，呢啲因素都會直接影響陰道鬆弛程度，所以每個人嘅情況都可以不一樣。加上撐大咗骨盆組織，無論係順產定開刀剖腹都一樣會有呢個情況，陰道有機會變闊。

 

3）過度減肥

減肥好似係每個女仔都鍾意掛喺嘴邊嘅口頭禪，健康地減重當然無問題啦，不過有唔少女仔都因為貪靚，用好極端嘅減肥方法，冒求令自己喺最短嘅時間入面減走最多嘅磅數。不過短時間內大量減磅，同時間都代表身體急速地流失膠原蛋白。就算比你減到肥，陰道變鬆嘅問題一樣咁令人纏身煩惱。

 

咁點算呢？係咪無得救？

凱格爾運動幫緊你！

 

凱格爾運動主要目的係訓練骨盆底肌肉嘅肌力、耐力及反應力，增強骨盆底肌肉嘅支撐功能，從而改善漏尿、尿失禁等等問題。成個過程嘅感覺似忍尿，都似縮肛，大家試過忍尿大概就會理解到個練習點樣做。想測試自己嘅練習有冇成效，可以喺排尿時每隔2-3秒就停止排尿，重複幾次都自如嘅話，即係成功咗。

 

陰道有一定嘅復原能力，覺得單單做凱格爾運動唔夠皮，仲可以配合埋縮陰球一同使用，收陰效果一定更加好。甚至有啲玩具嘅應用程式都有「凱格爾運動」嘅功能，好似台灣嘅人氣玩具小怪獸咁，有得玩之餘，同時對陰部練習進程更一目了然，可以話一物兩用。

 

不過陰道鬆緊情況始終係好個人嘅事，一般建議大概兩隻手指嘅闊度就最好，鬆咗當然想緊返些少，但太緊對性生活都未必係好事嚟～