【驗孕的下晝都有指南……？？？】

同另一半曳曳完之後遲遲都未嚟m，相信唔少人都經歷過呢種恐慌🥶小編就試過一路聽住mla首〈驗孕的下晝〉一路驗孕……幾驚會聽到媽媽唔好唔要我呀.jpg

點解會走去驗孕呢，因為嗰排除咗冇嚟m之外，我仲成日好攰瞓極都唔夠☠️加埋有少少發燒，無胃口兼作嘔作悶咁，都咪話唔驚🥲

於是上網一search，發現初期懷孕嘅特徵都中咗一半，另一半冇中嘅包括：

｜乳房出現變化｜

｜陰道分泌物增多 ｜

｜情緒不穩 ｜

 

驚驚下都遲咗幾日冇嚟m，加上身體唔舒服，情緒穩定都變唔穩定，終於肯走去驗🤐🤐

 

嗰陣用嘅方法係買枝驗孕棒返嚟，一起身第一篤尿就攞枝驗孕棒隊落去，等個海棉頭變色再擺平佢等3分鐘。呢3分鐘諗咗好多嘢，一路諗係咪要做人媽媽，一路諗個bb叫咩名好。

啲人話清晨嘅尿hCG濃度最高，所以建議人一起身就驗，但我一起身就已經係下晝，因為太夜瞓……

諗諗吓連個驗孕棒都出咗結果，見到係一條線Negative，我居然有鬆一口氣嘅感覺，睇嚟我未ready做人阿媽住，唔中都係好事～

 

不過自從嗰次之後，我留意多咗市面上嘅驗孕棒，話晒呢啲嘢有得第一次都唔排除好快又有第二次。見有啲賣到成兩三百蚊，有啲就幾十蚊就有交易。貴係咪就一定準啲，平嘢又一定冇好嘢呢？其實都未必。

至於準成度方面，我發現除咗我用個隻 #驗孕寶Plus即知驗孕棒 之外，佢仲出咗隻 #電子版驗孕寶即知驗孕棒，如果中咗唔單止會話你知係positive，電子儀上畫面仲會顯示埋週數，準確得有少少誇張，直頭可以話係非常全面🤱🏾連超聲波都唔駛照就可以知，太神奇～

 

不過提吓大家，用驗孕棒之前要睇清楚說明書嘅指引，畢竟每個牌子嘅使用同顯示方法有別🤥買嘅時候都可以留意包裝上嘅到期日，過期使用有機會出現假陽性/陰性結果㗎～

無論有冇準備迎接新生命都好，有咩疑惑最好都係尋求返專業幫助比較好，自行驗孕只係第一步，有問題記得記得去睇醫生na🩺🩺🩺