中學著白色裙仔嘅大家有冇試過漏M？我試過，相信好多妹豬都一定試過。經血滲漏搞到成條底褲英勇奶嘢，試過貪方便一手掉入垃圾桶，奈何我發現自己每個月都總會發生一次半次，咁樣掉落去遲早成個堆填區都係染咗血嘅底褲。

但到底點樣先係一個正確嘅清洗方法，我諗好多人唔知，包括我。

 

科技話我知Google可以解決生活問題，結果一Search落，搵嚟搵去都係得啲奇怪偏方。睇完之後，我覺得有必要出個post建議大家一律唔好跟住做。

 

有人話用熱水洗經血會乾淨啲？？？？

查實熱水反而會弄巧成拙。點解呢？原來係血液裏面啲蛋白質出事，一遇熱就會凝固。當布料黏住晒啲經血，自然更難洗得甩。所以切忌沖涼貪方便洗染紅底褲，分分鐘洗到縮水都未洗走啲血跡。

另一個偏方都係關蛋白質事：

 

有人話漏完M隔一陣先好洗？？？

事實上經血裏蛋白質同空氣產生嘅化學反應會導致氧化。乾咗嘅血難唔難搞，我諗你知我知，唔識嚟M嘅單眼佬都會知。仲有好多偏方唔逐一打晒出嚟，不過想做個溫馨提示：

種種偏方未必洗得乾淨之餘，仲可能殺唔到真菌，到時搞到妹妹痕就無癮啦。

 

大家想洗得乾淨又安心，不如試吓Relove嘅私密衣物蛋白酵素去漬抑菌手洗精。個名就水蛇春咁長，有咩咁把炮先。呢個牌子獨家研發AGP蛋白酵素，加埋納米水能量技術，講返人話即係幫到衣物喺短時間內去除髒污，包括經血，而且99.99%殺到菌。

 

驚化學得劑？唔怕，用天然酵素萃取，包唔傷手唔傷衣物。

 

2022年嘅妹豬必備Item，仲要有五隻味揀，我終於唔駛再燒錢買新底褲了。