為咗你嘅健康同玩具嘅使用壽命💓，一定要留意以下內容👇🏻～
玩具壽命長啲，可以玩耐啲之餘仲可以慳錢添，一舉兩得✌🏻～
⚡充電：
唔可以直水沖洗充電孔位，避免水壓過強沖進玩具，等充電口完全乾燥後再充電，否則容易帶水入機芯。
為保障玩具嘅電池壽命，建議用 5V充電頭(一般常規電話充電頭)，盡量使用低電壓充電（例如行動電源、電腦等），避免使用快速充電插頭，並請勿使用車上充電🚗設備充電。
💧潤滑液：
雖然矽性潤滑液較持久， 但不能使用在玩具上。因為矽性潤滑劑有機會破壞矽膠玩具表面，造成微細的小孔，減低玩具的壽命。
最好就用番比較全能既水性潤滑液，可以用係玩具、安全套、陰莖、陰道等都可以使用。
💦清潔：
☝🏼玩具大部分都係矽膠、玻璃、不鏽鋼或硬塑膠，最有效嘅方法係購買玩具專用嘅抗菌清潔噴霧／清潔液🧴。
呢啲清潔用品唔含酒精，對玩具嘅保養得比較好，所以選購玩具時可以睇埋玩具嘅清潔用品～
注意‼️
1. 唔好用消毒酒精消毒玩具
酒精有腐蝕性會損壞玩具。
2. 唔好用熱水去消毒玩具
合成樹脂嘅玩具遇高溫會變形或滲出致癌物質，而且熱水接觸膠質太耐會容易老化。
3. 唔好陽光下曬乾☀️
太熱、曝曬會令玩具品變形或爆裂，抹乾或者自然風乾收藏就夠。
4. 唔好用紙巾擦乾🧻
紙巾嘅棉屑會被殘留，最好用非絨布材質嘅毛巾黎擦拭，甚至可以直接自然風乾。
由於香港都比較潮濕，使用飛機杯✈️嘅話，清洗後記得要吸返乾，最好就使用飛機杯專用嘅吸濕棒，吸一段時間記得取出，令濕氣不會停留在杯內，以免發霉🥺
👝存放：
有啲玩具會附送防塵袋，用完清潔好同徹底抹乾風乾性玩具之後就可以放入防塵袋，避免玩具表面堆積灰塵或細菌🦠～
如產品本身無附送防塵袋，可以購買玩具專用收納袋。
另外，仲可以用密實袋保存玩具～最緊要保持玩具衛生同乾爽。
而潤滑液、套套同清潔液就要存放喺陰涼、乾爽嘅地方，避免被陽光直接照射🌞
