揚威海外，一日之間網上瘋傳嘅爆紅絵麗奈 aka.(素海霖)，宣布將於日本AV演藝界出道。號稱「三文魚唔食日本人」以及「工作文化民族意識好強」嘅日本，竟然有香港人成功出道！？

香港演員在國際影壇繼續大放異彩?


曾經上過ViuTV《戀講嘢》節目分享性經驗，以及參演香港電影《#PTGF出租女友》嘅素海霖在訪問中提到：「我係真心喜歡做愛嘅人，如果你真心喜歡依樣嘢，將佢變成事業，好大機會會成功。當我定下依個目標後，就連發夢都夢見自己做咗AV女優。」
膽粗粗嘅素海霖將CV同影片寄去各大日本AV公司，最終不負眾望成為片商Faleno Star新星。
消息一出，香港各大社交平台以火燒連環船速度分享。事件轟動程度，同馬來西亞演員楊紫瓊、美國越南裔演員關繼威攞奧斯卡嘅Level一樣。不少網民力撐更稱香港之光。

玩膠玩出禍？假新聞真報警


「香港第一位AV女優」事件熱爆香港論壇，有網民更興奮到惡搞香港政府新聞稿，以文化體育及旅遊局長楊潤雄之名，發表「恭喜絵麗奈成就斐然、av界最高殊榮」等假冒新聞稿。
由於仿真度及時間線過於真實，加上政府新聞稿恭賀「香港演員」楊紫瓊事件無縫接軌。令政府發言人急忙澄清，表示未有發布恭賀新聞稿，並且報警處理。

第一部作品 香港演員絵麗奈vs清水健！？


日本成人片商FALENO宣布素海霖以日文名字「絵麗奈」，讀音與她嘅英文名Erena相同，成為該片商旗下首位來自香港嘅專屬女優本月底正式出道。出道作嘅封面更有「香港出發，香港長大」標題。

訪問中素海霖表示，抵達拍攝現場先知道對手是日本著名AV男優清水健，形容對她來說是禮物，而整個拍攝過程比想像中更專業及豐富，又提及拍攝團隊沒有強逼佢，但自己身體唔爭氣，過程中感到疼痛，導致中間暫停拍攝一陣先繼續。素海霖於日本逗留咗9天，每天拍攝時間係早上7時至晚上8時，最後用咗其中6天完成拍攝首部作品。


身為香港人嘅你，又會唔會支持本地演員，進軍海外並為佢打氣支持呢？